Mai te ha'amaura'ahia te  'Āpo'ora'a Mātutu, Ti'arau E Matau'i i te 12 nō Tiurai 1977, i riro mai e CESEC, 'ua pārahi mai e 29 peretiteni. E 2 matahiti te tau manara'a.

'Ua fa'aoti te hō'ē tauira'a fa'aotira'a mana nō te fa'anahora'a mero 'e te terera'a a te CESEC (n°2004-65 APF nō te 13 nō tiunu 2005) i te hō'ē peretitenira'a fa'a'ohu i nā patu e vai nei i roto i te Pū manafa'atere.

Mea nā reira i 'itehia ai i te mau fa'a'āpīra'a piha fa'atere ato'a, e amohia te peretitenira'a a te  'Āpo'ora'a Mātutu, Ti'arau 'e te Matau'i, te tahi i muri i te tahi, nā te hō'ē mero nō roto mai i te hō'ē o nā patu 'ia au i te 'āpapara'a i muri nei : 

- patu nō te mau fatu taiete ;
- patu nō te mau rave 'ohipa ;
- patu nō te fa'ahotura'a ;
- patu nō te vaihō'ēra'a tōtiare 'e te orara'a 'āmui ;
- patu nō te mau ta'amotu.
 

I te matahiti 2023, nā te hō'ē mero nō roto mai i te patu fa'ahotura'a i amo i te peretitenira'a.