-
Te pū manafa'atere
- Te parau 'āpī
- Te mau 'ohipa
- Parau tuatāpapa
- Te puta nūmera niuniu
- Hono
Mai te CESC (1977) 'e tae atu i te CESEC (2019)
Tūra'ihia 'e te hina'aro 'ia ti'ahia te mau tuha'a tōro'a i roto i te mau 'āpo'ora'a hōmana'o, nō roto mai te ha'amaura'a i te CESEC i te nu'ura'a o tō tātou tōtaiete.
Te tumu 'e te nu'ura'a papa ture a te CESEC mā'ohi
'Ua ha'amata te hina'aro 'ia ti'ahia te mau tuha'a tōro'a i roto i te 'āpo'ora'a hōmana'o i te matahiti 1919 'e te ha'amaura'a marū a te CES, 'e nō te tātuha'ara'a mana, te ha'amaura'a i te mau 'āpo'ora'a vaefenua nō Farāni (CESR).
I Pōrīnetia farāni nei, 'ua ha'amauhia te 'Āpo'ora'a Mātutu, Ti'arau E Matau'i i roto i te hō'ē ā ferurira'a, 'ia au i te mau tuha'a i muri nei :
1) Te ha'amaura'a i te C.E.S. i te 12 nō tiurai 1977
Ha'amauhia nā te papa ture ihofa'aterera'a, e anihia, ma te fa'ahepo-'ore-hia, tō na mana'o i ni'a i te mau 'ōpuara'a 'imira'a faufa'a, tōtiare 'e ta'ere.
I te 6 nō tetepa 1984, 'ua riro mai te CES i te toru o te Pū manafa'atere a te Fenua. E fa'a'ā'ano te papa ture ihofa'aterera'a roto i te ārea 'ohipara'a a te CES : hau atu i tō na ti'ara'a hōmana'o rahi, e fa'ahepohia 'ia ani i tō na mana'o nō te mau 'ōpuara'a 'imira'a faufa'a 'e tōtiare, 'e, e nehenehe tā na 'e hōro'a i te Hau fenua i te mau tumu parau o tā na e hina'aro e tuatāpapa.
2) 'Ua riro mai te CES 'ei CESEC i te 12 nō tiurai 1990
E fa'arahi te ture papa ture e taui nei i tō te matahiti 1984, i te mau mana a te Pū manafa'atere ma te hōro'a atu i te ihotītaura'a i ni'a i te mau tumu parau tā na e mā'iti i roto i te mau tuha'a i reira o ia e mana ai.
E tāpe'a te Papature Ihofa'atere nō Pōrīnetia farāni ti'a'auhia 'e te ture mana fa'atere n° 96-313 nō te 12 nō 'ēperēra 1996 i te mau fa'auera'a a te ture nō 1990 nō te CESC.
3) 'Ua riro te 'Āpo'ora'a Mātutu, Ti'arau 'e te Matau'i 'ei pū manafa'atere tītau-hope-hia i te 27 nō fepuare 2004
E fa'arahi te papa ture ihofa'atere nō Pōrīnetia farāni ti'a'auhia 'e te ture mana fa'atere n° 2004-192 nō te 27 nō fepuare 2004 i te mau huru tītaura'a a te Pū manafa'atere : i te hō'ē pae, anira'a fa'ahepohia i te mana'o a te 'āpo'ora'a nō te mau "ture fenua" nō te parau o te 'imira'a faufa'a 'e aore rā tōtiare, 'e, i te tahi pae, te anira'a fa'ahepo-'ore-hia i te mana'o nō te tahi atu mau "ture fenua" 'e aore rā fa'aotira'a mana, 'e tae noa atu nō te mau parau 'imira'a faufa'a 'e tōtiare.
'Ua hōro'ahia te ihofa'atere faufa'a nā te Pū manafa'atere.
4) 'Ua fa'aō mai te CESC i te tuha'a o te arutaimāreva i roto i tō na i'oa 'e, 'ua riro mai o ia e CESEC, i te 5 nō tiurai 2019.
'Ua taui te mau fa'auera'a 'āpī a te papa ture ihofa'atere nō Pōrīnetia farāni ti'a'auhia 'e te ture mana fa'atere n° 2004-192 nō te 27 nō fepuare 2004 i te i'oa o te Pū mana fa'atere.
Hau atu, 'ua fa'aō o ia i te 'aifāitora'a tāne 'e vahine i roto i te rahira'a mero a te Pū manafa'atere. I teie nei, e tītauhia te mau pū e hina'aro nei e tono e hau atu i te hō'ē ti'a i roto i te CESEC, 'ia mā'iti ia rātou ma te fa'atura i te rahira'a tāne i tonohia, i te hō'ē pae, 'e te rahira'a vahine i tonohia, i te tahi pae, 'eiaha 'ia hau atu i te hō'ē.
