Ua ha’amana te ture i te matahiti 2022 i te tuha’a moni haru’orehia i Pōrīnetia farāni, ’e ua riro te reira ’ei ha’amaita’ira’a i te orara’a tōtiare. E’ere rā teie tuha’a moni haru’orehia i te fa’anahora’a nō te rava’i ’ore o te ’aitārahu, e « tuha’a o’e » ra i fa’ata’ahia nāna, nō te ora.

Tē tītau nei teie ’ōpuara’a ture ia fāna’o ato’a te mau tārahu a te Hau fenua i teie fa’anahora’a. ’E tē fāri’i nei te ’Āpo’ora’a Mātutu Ti’a rau i te reira i te mea, mea tano ’e te ’āfaro.

Tē fa’ari’i mau nei te ’Āpo’ora’a Mātutu Ti’a rau i teie tauira’a ture, ’e tē māere ato’a nei ra ’aita te fa’anahora’a o te moni haru’orehia i fa’a’ohipahia ia au i te mana’o ’āvei o tāna i tu’u i roto i tāna mātutura’a i te matahiti 2021 ra. 

Tē ’ite ato’a nei rā te ’Āpo’ora’a Mātutu Ti’a rau e ti’a teie fa’anahora’a ia fa’arava’ihia, te tumu īa o teie mau mana’o ’āvei:

• ’Ei ture fenua nō te ha’apāpū i te fa’ata’ara’a o te tuha’a moni haru’orehia ;

• Ia nūmerahia te tuha’a moni haru’orehia, i ni’a i te faito e 70 % o te Moni tahua ’ohipa mau (oia te faito e 102 301 farāne i teie mahana)

• Ia vai matara noa te vaira’a moni i tōna fatu, te tuha’a ti’a ana’e o te tārahu tē tano ia haruhia.

Nō reira, ma te auraro i te mau mana’o rau ’e te mau mana’o ’āvei, tē tu’u nei te ’Āpo’ora’a Mātutu Ti’a Rau e Mata U’i nō Pōrīnetia farāni i te mana’o fa’ari’i i te ’ōpuara’a ture fenua e fa’anaho i te tuha’a moni haru’orehia nō te mau tārahu tute ’e te mau tārahu ’ē atu a te Hau fenua.

’Ei fa’arava’ira’a, tē ani nei te ’Āpo’ora’a Mātutu Ti’a Rau i te hui mana o te Hau nui e tō te Hau fenua ia matahi’o mai i te pu’e mana’o ’āvei i ’āpitihia atu, ’e hau atu ā te fa’aitira’a i te tārifa a te mau fare moni ’e a te mau ’uitiē.